أنت جـــــــــــــــامد ومــــعدى أدخـــل وشــــــوف كده

جامد و معدّي؟؟!! سؤال لأحلى شباب.. تفتكر إنت جامد و معدّي؟؟!! ممممممممممم.. واحد بيقول : أيوة يا عم أنا بغير عربيتي كل كام شهر جامد و معدي من الآخر وواحد بيقول : أنا بضرب نفسين أطلع الدخان من مناخيري جامد و معدي من الآخر وواحد تالت بيقول انا كل ال...بنات بتحبني جامد و معدي من الأخر وواحد يقول: أي أغنية جديدة تلاقيها على موبايلي و ال Ipod بتاعي انا واد شديد يبقى انتو فهمتونا غلط !! احنا هنا جامدين جداااااااااااا بطريقة تانية بطريقة جديدة بطريقة special جدا أول حاجة هنتفق هو احنا المفروض نبقى أحسن ناس فى نظر مين؟؟ يعني بتاع البنات جامد عند البنات و بتاع الأغاني جامد في عين شلة الأنس وهكذا .. احنا بقى أحسن ناس عند مين؟؟ على أحلى حياة مفيش غير... ربنا .. تخيل بقى ان انت تبقى من أقرب عباد ربنا ايه يا عم ما انت كنت بتتكلم كويس في الأول !! البنات و العربيات!!! ايه اللى حصلك ؟؟؟ اسمعني بس أول حاجة نظرة واسعة حبتين مين الأجدر انك تبقى الأحسن عنده؟؟ يعني ايه؟؟ يعني مين اللي مدحه و ذمه ليك هو اللي المفروض يفرق معاك؟؟ ايه السؤال الغلس دا؟؟ صاحبتي مثلا أو صاحبي طيب يا ترى هما هيفرقوا معاك و انت واقف يوم القيامة تتحاسب؟؟ يعني اذا أنت - و العياذ بالله- داخل النار يا عم قول حاجة عدلة خلاص اذا بتاع الأغاني داخل النار تفتكر صاحبته هتقول لأ أنا لها و لا هتعبره أساسا عشان كدا المفروض نكون عبيد ربنا يعني بنطلب رضاه هو لأن ربنا النفع و الضر بيده بدليل قول الله عز و جل وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يُرِدْكَ بِخَيْرٍ فَلاَ رَآدَّ لِفَضْلِهِ [يونس: 107]. و ربنا سبحانه و تعالى قال ( وَكُلُّهُمْ آتِيهِ يَوْمَ الْقِيَامَةِ فَرْدًا ) سورة مريم 95 يعني رايحين من غير صحابنا شلتنا و عربياتنا عشان كدا لازم تبقى جامد و معدي صح و بإذن الله في الموضوع دا هنتكلم ازاي انت و انا و كلنا بإذن الله نبقى .... جامد و معدي ...!!! أول حاجة باسم الله كل مرة ان شاء الله هنقول حاجة تقربنا خطوة لربنا بس خطوة مختلفة عن أي حد و نقعد اسبوع ندرب على الخطوة دي لغاية ما نلتزم بيها ان شاء الله و افتكر... دا علشان احنا بنحبك خطوة مختلفة عن الكل ازاي؟؟ يعني عبادات أحب إلى الله ربنا فضلها عن سائر العبادات ماحنا اتفقنا ان احنا عايزين نبقى أقرب عباد الله لله و طبعا دا بفضل ربنا و أكيد أكيد اللي جابك و قعدك و جعلك تفتح الموضوع دا و تقرأه للآخر مع اني زهقتك كرم ربنا قال رسول الله صلى الله عليه وسلم من يرد الله به خيرا يفقهه في الدين يا رب اجعلنا من عبادك الذين تريد بهم خيرا طيب يا عم وجعت دماغنا قول هنعمل ايه صل على حبيبك الأول صلى الله عليه وسلم شعارنا الأسبوع دا بإذن الله تقرب إلى الحبيب بالأحب إليه يعني ايه؟؟ مش انت بتحب ربنا برضه؟؟؟ أيوة أيوة أهو هو دا زي مابتيجي تدي هدية لصاحبك بتنقي الحاجة اللي بيحبها و لله المثل الأعلى هنتعبد للملك بالحاجة اللي بيحبها و ربنا يتقبل منك يا عم الأسبوع دا قال رسول الله صلى الله عليه وسلم أحب الأعمال إلى الله الصلاة لوقتها ، ثم بر الوالدين ، ثم الجهاد في سبيل الله الراوي: عبدالله بن مسعود المحدث: الألباني - المصدر: صحيح الجامع - الصفحة أو الرقم: 164 خلاصة حكم المحدث: صحيح أيوة هو الجهاد في سبيل الله ... عايز أموت شهيد يا عم استنى بس نتفق على أول نقطتين 1- نصلي في الوقت و الولاد في المسجد و البنت في البيت ربنا بيحب انك تصلي في أول وقت الصلاة ها هنأخر لسة؟؟ و بر الوالدين اعمل حاجة كل يوم و اذا صغيرة جدا جدا للوالدين بس أنا عايز أعمل حاجة كبيرة أوي و خلاص تبقى هي لأ لسة احنا مع تقرب للحبيب بما يحب قال رسول الله صلى الله عليه وسلم أحب الأعمال إلى الله أدومها و إن قل عشان كدا بنقول حاجة صغيرة بس تداوم عليها كل يوم حاول بقى في حاجة مميزة في اليوم هما بيحبوها و الأجر على قدر المشقة يبقى الأسبوع دا ان شاء الله هنركز على الصلاة في أول الوقت بر الوالدين خلاص يا باشا؟؟ استنى بس قبل ما تمشي زهقتنا يا عم خلاص آخر حاجة البنبوناية بتاعة الموضوع طبعا احنا ظننا بالله كبير أوي عشان كدا ظننا بالله ان لما نتقرب إليه باللي بيحبه ربنا كمان يحبنا " و ليس الشأن أن تحبه... و لكن الشأن أن يحبك" احفظها دي طيب و لما ربنا يحبني؟؟ خلصت اتحلت يعني قال رسول الله صلى الله عليه وسلم و الله لا يلقي الله حبيبه في النار دا خير البشر و أصدقهم بيقسم ان ربنا مش بيلقي حبيبه في النار و اذا ماترمتش في النار بإذن الله تخش الجنة و خليك جامد و معدي و من أهل الجنة كمان سبحانك اللهم و بحمدك نشهد أن لا إله إلا أنت نستغفرك و نتوب إليك نشوفكم الحلقة الجاية بإذن الله