جروب أعز اصحاب وأعضاء M.E.T Acadmy

اهلا بكم في منتديات اعز اصحاب
هذا المنتدى تابع لجروب أعز اصحاب على الفيس بوك
a2z as7ab / on facebook

للمشاركه معنا اضغط على كلمة التسجيل
او للتصفح كا زائر اضغط على أخفاء
ملاحظه - في حالة التسجيل اذا لم تقم بتفعيل حسابك من البريد الالكتروني الخاص بك
سوف نقوم نحن بتفعيله تلقائيا بعد التسجيل بيوم
مع خالص التحيات - أدارة المنتدى


M.E.T - a3z as7ab / facebook.com


    هو ده الحب ( This is The LOVE)

    شاطر
    avatar
    asyademir
    المديره العامه للمنتدى
    المديره العامه للمنتدى

    عدد المساهمات : 1229
    تاريخ التسجيل : 07/09/2010
    العمر : 27

    هو ده الحب ( This is The LOVE)

    مُساهمة من طرف asyademir في الثلاثاء أبريل 05, 2011 12:59 am

    السلام عليكم ورحمة الله وبركاته
    الموضوع اليوم جميل جداااااااااا وياااااارب يعجبكم
    اسم الموضوع / هو ده الحب



    الحب

    الله على الكلمة دى!!!
    جميله ............... رقيقه ............... حساسه ........
    صادقه .......... بريئه .............. ما حدش قدر
    يعرف الحب الا انه "حب " !!
    اذا كنت عاوز تعرف يعنى ايه حب تعالي نعمل التجربة البسيطة دى مع بعض
    غمض عنيك (بعد ما تخلص قراءة طبعا !)
    اسرح شوية !!كمان ...... كمان ......... شويه كمان ........
    بس كده كفايه ........
    استحضر صورة واحد انت بتحبة قوى ، فكر فيه .........
    مثلا مثلا ... واحد صاحبك بتفضفضلة مشاكلك وهمومك ..... بتحس انك لما
    بتكلمة بترتاح بعد ما بتكون حاسس ان الدنيا كلها فوق دماغك ......
    بتخرجوا مع بعض .. بتاكلوا مع بعض ........ عارف اهله وعارفينك ........ جدع جداااااا معاك
    السؤال بقى : اذا غاب عنك كام يوم بعد ما كنت بتشوفوه كل يوم .......
    هتحس بايه ؟!!وحشك اووى ........ مش كده ؟!!!



    "هو ده الحب "
    ها ادينى سهلتها عليك ........ جرب لوحدك المرة دى اقعد وافتكر لما كنت تعبان ...... نايم فى السرير .....
    سخن وبتكح وحالتك صعبة !!وبتقول آه .........
    مفيش حد جانبك غير أمك ......... قاعدة بتنام على
    (يا رب اشفيلي ابني ) ، نفسك تقول ايه ساعتها ؟!

    "هو ده الحب "

    معلش جرب تانى .... وانت بتقلب في التليفزيون ..... لقيت واحد نازل بيشتم
    في دينك ونبيك وبيقول كذا وكذا ، وانت عارف انه كداب .........
    نفسك تعمل ايه وقتها ؟ تاكله مش كده !!
    عشان بتغير علي دينك او ..... بتحبه ......
    ماشى في الشارع ....... لقيت واحد في الارض بيدور على حاجه ياكلها ......
    صعب عليك المنظر ..... قمت حطيت ايدك في جيبك ، واديته اللى قدرت عليه
    وطيبت خاطره بكلمه حلوه ........
    بتحب تعمل خير والحمدلله .........





    "هو ده الحب "

    بتحب امك ، بتحب ابوك ، بتحب اختك واخوك ؟!!


    "هو ده الحب "

    بتحب بيتك ، بتحب الشارع بتاعك
    بتحب بلدك رغم كل حاجه ونفسك انها تتصلح وتبقى أحسن بلد في الدنيا ؟!!



    "هو ده الحب "

    وطبعا طبعا ، وقبل كل ده بتحب ربك ، وبتحب رسولك (صل الله عليه وسلم )
    وهو ده الحب الاكبر !!






    " هو ده الحب "

    معرفناش نكتب له تعريف !!
    الا انه حاجة متتكتبش !!
    الحب احساس جميل ......... ما يتوصفش

    هتسالنى طبعا : بعد الكلام الحلو اللى قلته ده ، أمال الحب اللى الناس كلها بتتكلم عليه ده يبقى ايه ؟

    للآسف أكتر كلمة أهينت وأهين معناها السامي هي كلمة الحب ، باختصار اللى
    بنشوفه في الافلام والمسلسلات وللاسف فى الجامعة والشارع مش حب أبدا ده
    بالعربى كده استظراف ـ تسلية ـ تضييع وقت ـ ضحك على بنات الناس
    ............ أى حاجة زى كده غير انه يتسمى حب ابدا
    معظم هذه الحالات التى يحسب اصحابها انهم يحبون لاتنتهى بالزواج وده معناه
    تاثير نفسى كبير علي الطرفين وللاسف التاثير ده بيستمر حتى بعد ما كل واحد
    من الطرفين يتجوز .

    اليك هذين المشهدين الحقيقين :

    مشهد رقم 1 :
    المكان احدى الكليات في جامعه مصرية

    البنت : احنا خلاص قربنا نخلص الترم التاني ودى اخر سنة والحمدلله ، واظن يا (........) ان الوقت مناسب انك تتقدم لبابا
    الولد : نعم ........ آه .... بس ........
    البنت بس ايه ؟
    الولد : بصراحة كده : انا مش جاهز خالص ، انا
    أساسا لسه هادخل الجيش وبعدين يا عالم انا هاشتغل
    امتى ولسه هحوش ، بصراحة كده يا (......) انا مش عايزك تتبهدلى معايا شوفى طريقك
    البنت : يعنى الاربع سنين اللى فاتوا دول ضاعوا و .........
    الولد : بصي بقي من الاخر انا متجوزش واحدة بتمشى مع شباب .......... مع السلامة

    مشهد بتكرر كثيرا واليك هذا المشهد المشابه ..........

    مشهد رقم 2

    الولد : ان شاء الله يا ( ......) أول ما النتيجة تطلع واتخرج هتقدم لوالدك علطول يعنى هانت (.......)
    البنت : بصراحه يا (.......) انا متقدملى عريس لقطة
    الولد : انت بتقولى ايه ؟
    البنت : خلينا عمليين يا (........) انت لسه هتدور على شغل ، امتى بقى هتجمع فلوس الجهاز والشبكه
    بصراحة احنا مش لبعض ....... مع السلامه

    للاسف المشاهد دى حقيقية ومتكررة جداا وشفناها كتير فى الجامعه وفى غير الجامعه
    هذا الحب الواهم ليس حبا طاهرا شريفا كما يقولون فانه ينال اول ما ينال من سمعة الفتاه واهلها
    الحب الطاهر يكون حب الزوج لزوجتة وحب الزوجة لزوجها هذا هو الحب الذى
    علمنا اياه محمد بن عبدالله صل الله عليه وسلم الذى سئل امام الصحابه
    من احب الناس اليك ؟ فقال : عائشة .






    أخى الحبيب ........
    اختى الحبيبة ........

    الحب كلمة عظيمة طاهرة ........
    الحب غريزه لا نستطيع الاستغناء عنها ولذلك شرع الله لنا الحب الحلال وعدد
    انواعة ومنها بالتاكيد حب الرجل للمراة وحب المراه للرجل ولكن الكثيرين منا
    لا يوزع عواطفة بالطريقه الصحيحة ولا يراعى الحدود التى امر بها الله
    تعالى في المعاملة بين الجنسين . وزع عواطفك واملا قلبك بالوان من الحب
    تكن أسعد الناس
    وفى النهايه لا أنسى ان اقول لك

    انى أحبك فى الله


    تحياتى لكم جميعا
    ِAsyaDemir


    ____________________________________________________________________________________
    كلنا للجنه عشاق ومن منا ليس بمشتاق === ؟فاعمل لها فان طريقها شاق .


    رغيف خبز يابس تاكله في غافيه
    وكوز ماء بارد تشربه من صافيه
    وغرفه ضيقه نفسكفيها راضيه
    ومصحف تدرسه مستندا لساريه
    خير من السكنى بأبراج القصور العاليه
    وبعد قصر شاهق تصلى بنار حاميه


    أمحو ذنوبك في خلال دقيقتين
    http://www.shbab1.com/2minutes.htm











    avatar
    kHiRbK
    المــالـك والمـؤسـس
    المــالـك والمـؤسـس

    عدد المساهمات : 348
    تاريخ التسجيل : 01/09/2010

    رد: هو ده الحب ( This is The LOVE)

    مُساهمة من طرف kHiRbK في الثلاثاء أبريل 05, 2011 10:21 am

    راااااااااااااااائع جدا جدا يا اسيا تسلم الايادي
    موضوع بجد جميل جدا


    ____________________________________________________________________________________
    .
    .
    .
    .



    avatar
    asyademir
    المديره العامه للمنتدى
    المديره العامه للمنتدى

    عدد المساهمات : 1229
    تاريخ التسجيل : 07/09/2010
    العمر : 27

    رد: هو ده الحب ( This is The LOVE)

    مُساهمة من طرف asyademir في الثلاثاء أبريل 05, 2011 1:06 pm

    انت الارووع
    الله يسلمك من كل شر
    شكرا للمرور


    ____________________________________________________________________________________
    كلنا للجنه عشاق ومن منا ليس بمشتاق === ؟فاعمل لها فان طريقها شاق .


    رغيف خبز يابس تاكله في غافيه
    وكوز ماء بارد تشربه من صافيه
    وغرفه ضيقه نفسكفيها راضيه
    ومصحف تدرسه مستندا لساريه
    خير من السكنى بأبراج القصور العاليه
    وبعد قصر شاهق تصلى بنار حاميه


    أمحو ذنوبك في خلال دقيقتين
    http://www.shbab1.com/2minutes.htm












      الوقت/التاريخ الآن هو الإثنين سبتمبر 24, 2018 12:23 am